صنعاء،29ا؍گست(ایس او نیوز ؍آئی این ایس انڈیا)جنوبی یمن کے سیکیورٹی حکام نے بتایا کہ سوموار کے روز عدن شہر میں فوجی بھرتی مرکز کے باہر ہونے والے خودکش حملے میں ساٹھ رنگروٹ جاں بحق جبکہ دسیوں دیگر زخمی ہو گئے۔اہلکار کے مطابق خودکش حملہ آور نے دھماکا خیز مواد سے بھری اپنی گاڑی فوج میں شمولیت کے خواہش مند افراد کی قطار پر چڑھا دی۔ فوجی بھرتی دفتر شمالی ساحلی شہر کے ایک سکول کے قریب واقع تھا، ہلاکتوں کی تعداد میں اضافہ کا خدشہ ظاہر کیا جا رہا ہے۔ہلاکت خیز خودکش حملے کی ذمہ داری انتہا پسند تنظیم داعش نے قبول کر لی ہے۔سیکیورٹی اہلکار نے بتایا کہ ایمبولینس اور ہنگامی امدادی اداروں کی گاڑیاں جائے حادثہ سے ہلاک اور زخمیوں کو نکالنے میں مصروف ہیں۔